Fyrireikingarnar hjá U17-gentulandsliðnum í flogbólti til NEVZA Championships-kappingina, sum verður um mánaðarskiftið september/oktober, eru byrjaðar. Nú leygardagin skulu genturnar, sum eru frá árgangi 1994 til 1996, venja í ítróttarhøllini á Hálsi í Havn frá klokkan 15.30 til 18.30.
Upprunaliga skuldi venjingin verða leygardagin 27. mars, men av tí at tá er FM-finala í Eikliguni og fleiri av U17-spælarunum kunnu hugsast at vilja stuðla sínum liðum í FM-finalunum, hevur landsliðsvenjarin, Rosa Jacobsen, gjørt av at framskunda venjingina.
NEVZA er stytting fyri »The Northern European Volleyball Zonal Association« og er samstarv millum norska, svenska, finska, danska, íslendska og føroyska flogbóltssambandið, sum hevur verið síðani 2003.
Í løtuni hava føroyingar formansskapin í NEVZA.
