Um flokkarnir gjørdu slíka samgongu, so høvdu tey fingið eitt umboð í Tórshavnar býráð. Tilsamans fingu flokkarnir 936 atkvøður, og tað hevði verið nóg mikið at fingið 9. sessin í býráðnum, og tað hevði aftur merkt, at Javnaðarflokkurin hevði mist sítt sjeynda umboð, sum er valt sum nummar 13. Kristianna Winther Poulsen hevði so verið vald við 146 persónligum atkvøðum.
Sum vit skilja, so bjóðaði Framsókn Sjálvstýrisfólkunum at koma upp á listan hjá Framsókn, tí tey vildu ikki hoyra um felags lista.
Soleiðis fóru atkvøðurnar hjá trimum flokkum, Framsókn, Miðflokkinum og Sjálvstýrisflokkinum fyri skeytið hesaferð – eins og á trimum valum frammaundan.
