Framsókn stillar 12 valevni upp til býráðsvalið í Havn.
Talan er um seks konufólk og seks mannfólk.
Valevnini, sum eisini eru í eini heilsíðulýsing hjá Framsókn aðrastaðni í blaðnum, eru hesi:
Harriet O. Av Gørðum, Karlot Hergeirson, Kristina Jensen, Ólavur í Búrstovu, Ólavur Olsen, Óluva Waagstein, Poul Clementsen, Ríkin N. Djurhuus, Rúni Sundberg Patursson, Ruth Vang, Sunneva H. Eysturstein og Súsanna Køtlum.
Annars er væntandi, at Framsókn eisini fer at stilla upp til kommunustýrisvalið onkra aðrastaðni eisini.
Í løtuni dugir Poul Michelsen, floksformaður, ikki at siga hvar.
Men eitt gott boð kundi verið í Eysturkommunu, har Hanna Jensen er býráðslimur og hon er eisini fyrsti varalimur hjá Framsókn á Løgtingi.
