Tískil hevur hann lagt uppskot fram á ting um at skipa eina skrá, har allir viðkomandi upplýsingar verða lagdir fram fyri almenningin. Ein grein um hetta er at lesa á síðu sjey í dagsins blað.
Hóast hetta kann tykjast í so yvirdrivið, so er hetta eitt sera áhugavert uppskot. Tað er ikki hissini vald, vit geva teimum fólkum, vit velja á ting. Tí eiga vit eisini at vita alt um hesi fólkini – eisini hvørji áhugamál tey hava og ikki minst, hvørjar inntøkur tey hava, ið kanska kunnu ávirka teirra støðutakan á tingi.
Eitt annað, sum eisini hevði havt almennan áhuga er at vita, um tey, ið bjóða seg fram at stýra landinum – og harvið pengunum hjá okkum, hava ligið ørðum til last, eitt nú við partafeløgum.
Vit hoyra javnan dømi um fólk, sum spekulera við partafeløgnum, koyra á heysin og lata onnur gjalda rokningina – og so byrja aftur sjálvi við sløttum borði.Tað sigur seg sjálvt, at slík fólk skulu vit ikki hava at stýra landinum.
Kanska Kári á Rógvi fær hetta við í uppskotið, at einki tingfólk, landsstýrisfólk – og ikki minst løgmaður, hevur verið øðrum til fíggjarligan last vegna egna spekulatión.
