Mánadagin framdi løgreglan eina rannsókn móti eini bilasølu í Havnin. Í rannsóknini legði løgreglan hald á fleiri bilar, ið hava eitt virði upp móti tveimum milliónum krónum, umframt eina rúgvu av skjølum.
Jón Klein Olsen, kanningarleiðari, upplýsir, at tað var aftaná eini fráboðan frá Akstovuni, at løgreglan handlaði.
- Vit fingu eina fráboðan frá Akstovuni um, at teir metti at bilasølan framdi fíggjarligt svik móti landskassanum. Vit kannaðu málið og framdu so eina húsarannsókn mánadagin.
- Samstundis varð eigarin av bilasøluni handtikin og skuldsettur. Hann varð tó leyslatin seinni sama dag, sigur kanningarleiðarin í stuttari viðmerking.
