Hátrýst norðan fyri Føroyar geva kalt og støðugt veður. Mikudagin viknar hátrýstið og brúgvaløg við regni og vindi nærkast sum frá líður av Føroyum av útsynningi og suðri.
Í dag verður gul til stívt andøvsgul av landnyrðingi, 5 til 10 m/s, sum um kvøldið makar niður í lot til andøvsgul av landnyrðingi og norðri, 3 til 8 m/s. Samdrigið og serliga fyrrapartin kavaæl. Hitin alt samdøgrið millum 2 kuldastig og 3 hitastig. Um kvøldið og náttina verður lot til andøvsgul av norðri, undir 8 m/s. Yvirhøvur skýggjað og eitt sindur av kava um landið og hitin millum 3 kuldastig og 2 hitastig.
Í morgin verður fleyr til gul av ymsum ættum, seinni vestri, 2 til 6 m/s. Mest skýggjað og í støðum eitt sindur av kava. Hitin alt samdøgrið millum 2 kuldastig og 3 hitastig.
Mikudagin verður lot til andøvsgu av útsynningi og suðri, 3 til 8 m/s, sum um kvøldið øtlar upp í gul til stívt andøvsgul av suðri, 5 til 10 m/s. Í støðum sólglottar, men møguliga nakað av regni ella vátaslettingi her og har. Hitin millum 1 og 6 stig.
Hósdagin øtlar hann vindin og verður andøvsgul upp í ein strúk av suðri, 8 til 13 m/s, um kvøldið øtlar hann vindin upp í hvassan vind, um 15 m/s. Skýggjað og stundum regn, um náttina meiri regn. Hitin millum 4 og 8 stig.
Fríggjadagin verður strúkur í vindi upp í skrið av suðri, 13 til 18 m/s, og skýggjað við regni. Um kvøldið ella náttina snarar hann í ein útsynningi og makar niður í gul til stívt andøvsgul, 5 til 10 m/s. Tað klárar í, tó okkurt æli ymsa staðni. Hitin alt døgnið millum 5 og 9 stig.
Leygardagin verður gul til stívt andøvsgul av útsynningi, 5 til 10 m/s, sum út á dagin snarar í ein sunnan og verður andøvsgul upp í ein strúk, 8 til 13 m/s. Samdrigið og ælaveður, men eitt bil tó yvirhøvur skýggjað og regn manga staðni. Hitin millum 4 og 8
