Fyritøkan hevur eisini fingið nýtt búmerki, sum ítøkiliga ímyndar ein »kameralukkara« og samstundis eisini er ímyndin av eitt nú ferð, blómum og tí sum sprettur og grør.
Upp á fyrispurningin um, hví teir hava tikið júst hetta stigið, siga teir Per og Finnur at kappingin er økt munandi, eins og tíðin er øðrvísi í dag, har talgilda tøknin av álvara hevur gjørt vart við seg. Við tveimum royndum fotografum, ið hava royndir á ymiskum økjum, kunnu vit av álvara fevna yvir allar uppgávur og avbjóðingar.
Umframt Per og Finn arbeiðir eisini Helena Dam í fyritøkuni. Helena hevur drúgvar royndir í fotobransjuni. Hon starvast sum fotoassistentur, ið eitt nú umfatar myndaviðgerð á teldu.
