Fróði Hansen hevur gjørt sáttmála við kenda danska plátufelagði Target Group, sum verður nevnt tann størsti sjálvstøðugi veitarin og framleiðarin av tónleiki í Danmark.
Til ber at síggja og hoyra nýggja staklagið við at trýsta á pílin á myndini
Argjamaðurin hevur nú latið fyrsta staklagið í komandi útgávuni – Ultramarine – út. Staklagið eitur ”I remember you well”. Ultramarine kemur út 27. mai í Føroyum, tá verður konsert í Sirkus. Sjálv útgávukonsertin verður 17. juni í Reinsarínum.
Útgávan kemur út seinni í summar í Danmark, har Target Group skal standa fyri útgávuni og PR arbeiðinum.
- Við Traget er málið fyrst og fremst danski marknaðurin vit leggja okkum eftir, men seinni í ár fara vit eisini á konsertferð í Russlandi, greiðir Fróði Hansen frá.
Við staklagnum ”I remember you well” er eisini sjónbandalag gjørt. Eyðun Muller Thomsen hevur filmað og viðgjørt sjónbandalagið.
Fylg Fróða á Facebook við at trýsta HER
Fløgan er upptikin í Studio Bloch, Fred Ruddick hevur staðið fyri upptøkum, ljóðblandað og mastrað, meðan Mikael Blak hevur verið við í framleiðslutoyminum, og virkað sum studiotónleikari.
Manningin í bólkinum hjá Fróða telir 5 mans. Teir eru umframt Fróða Hansen sjálvan, Bartal Augustinussen, Pauli Reinert Poulsen, Ísak Sambleben og Per Ingvald Højgaard Poulsen.
