Moise Kean, sum er áleypari hjá U17 landsliðnum hjá Italia, er ein av fýra, sum hevur spælt Champions League fótbólt í sama kappingarári, sum hann hevur spælt EM fyri U17 landslið.
Italski áleyparin spælir til dagligt við italska stórfelagnum, Juventus. Har er hann skiftur inn nakrar ferðir í ár. Millum annað í Champions League dystunum móti Sevilla. Hann skoraði sigursalið móti Kroatia í fyrsta dystinum í bólkaspælinum, men mátti so aftur tl Juventus, sum spældi móti Torino. Hann verður við aftur, tá italia skal spæla seinasta dystin í bólkaspælinum.
Hinir tríggir, sum hava spælt í Chamapions League sama ár, sum teir hava spælt U17 EM eru Alen Halilović, sum í 2012/13 spældi fyri Dinamo Zagreb og Kroatia, Kenneth Zohore, sum i 2010/11 spældi við FCK og Danmark, umframt Jack Wilshere, sum í 2008/09 spældi við Arsenal og Onglandi.
Yngsti maður nakrantíð í Champions League er Céléstine Babayaro úr Nigeria, sum fekk debut í kappingini í 1994 við Anderlecht. Tá var hann 16 ár og 87 dagar. Moise Kean er 16 ár og 267 dagar gamal.
