Í morgin fæst at vita, um Tjóðveldi fer úr samgonguni ella ikki Alt bendir á, at Tjóðveldið heldur fram í samgonguni, men formaðurin í aðalstjórnini, Hallur Ellingsgaard, sigur við útvarpið hjá Kringvarpinum, at einki verður sagt fyrr enn í morgin.
-Eg vænti, at fjølmiðlarnir fáa eina almenna útmelding frá flokkinum í morgin, sigur Hallur Ellingsgaard.
Fundurin, sum Høgni Hoydal, formaður í Tjóðveldi, hevði við løgmann og formannin í Miðflokkinum í dag, gav sambært Kringvarpinum ábending um, at Tjóðveldi slítur ikki samstarvið.
