##med2##
FM1 prátaði í kvøld við allar formennirnar hjá feløgunum, ið hava havt lið í Betrideildini hjá monnum hetta kappingarárið. Tó ikki Tummas Lervig, formann hjá KÍ og Brandur Jacobsen, formann hjá Víkingi, ið FM1 fer at práta við aftaná steypafinaluna millum KÍ og Víking á Tórsvølli komandi leygarkvøld. Við endan av samrøðuni fingu formennirnir høvið at senda eina heilsu og eina tøkk.
Triðji formaðurin, ið var ígjøgnum á FM1 var Fróði Reinert Petersen, formaður hjá EB/Streymi.
Fróði heldur, at fimta plássið í Betrideildini er ein framgongd í mun til onnur kappingarár, men hann iðrar seg um, at tað steðgaði upp hjá EB/Streymi tey seinastu umførini.
Enn er avgerð ikki fallin um Jákup Martin Joensen heldur fram sum høvuðsvenjari, og Fróði veit einki um leysasøgurnar, ið senda Klæmint A. Olsen til EB/Streym.
Fróði slær fast, at tey í EB/Streymi ætla at liðið skal gera tað eitt betur komandi kappingarár, og tað hevði so givið eina endastøðu, ið røkkur til evropeiska luttøku.
Á ljóðfíluni omanfyri ber til at hoyra tað sum Fróði Reinert Petersen segði í samrøðu við FM1.
