Royndi grønlendski politikarin Lars-Emil Johansen, sum er formaður í landstinginum, er innlagdur á Ríkissjúkrahúsinum í Keypmannahavn.
Tað boðar landstingið frá í dag.
– Formaðurin fyri landstingið er undir einari arbeiðsferð í Danmark innlagdur á Ríkissjúkrahúsið til hjartakanning. Hann hevur tað gott, verður sagt í fráboðanini.
Sagt verður eisini, at roknað verður við, at Lars-Emil Johansen ger stuttan steðg á Ríkissjúkrahúsinum og verður aftur til arbeiðis innan fáar dagar.
