ST-útgávurnar hjá Ford eru vanliga bilar við stórum og kvikum motorurin og sportligum undirvognum. Bilar sum eru gjørdir til at koyra við nógvari ferð.
Hesin Focus ST er einki undantak. Við 2.5 litur motori og 5 syl. við 225 hk er talan um ein rættuligan sportbil. ST koyrir frá 0-100 upp á 6,8 sek. og toppferðin er 241 km/t, sum er nógv fyri ein bil í hesi støddini.
Focus eru kendir fyri sínar góðu koyrieginleikar, men Focus ST hevur strammari undirvogn og upp aftur betri vegfesti. Alt er tilpassað hvørt eftir øðrum, motorurin, undirvognurin og 18" hjólini.
Nógv er gjørt burtur úr motorljóðinum, soleiðis at motorurin ljóðar sum hann veruliga vil nakað. Kabinan er eisini sportliga innrættað við sportsetrum og trimum eyka instrumentum oman á instrumentborðinum, tey eru oljutrýstmátari, thermometur og turbotrýstið. Eisini hevur hann leðurgirknøtt og leðurratt.
Focus ST hevur nakrar av mest framkomnu trygdarskipanum í sínum klassa til at verja tey ferðandi í bilinum. Bilurin fæst bæði við 3 og 5 hurðum.
(Faktaboks)
Ford Focus ST
Motorurin 2,5 litur 5 syl. 225 hk
0-100 km/t 6,8 sek
Bensinnýtsla 0,8 km/l
Dekkstødd 225/40-18
Stødd og vekt:
Longd 436,0 cm
Breidd 184,0 cm
Hædd 145,0 cm
Eginvekt 1.250 kg
Viðførisrúm 385 litrar
Prísur kr. 389.900
Søluumboð P/F Wenzel
Akranesgøta
FO-100 Tórshavn
Tel. 354500
www.wenzel.fo
