##med2##
Ígjár fekk Wales ein ordans umgang í áttandapartsfinaluni móti Danmark á Johann Cruyff leikvøllinum í Amsterdam.
Walisar vóru omaná fyrsta lítla korterið, men so tók Danmark yvir og walisar komu ikki til orðanna aftur. Úrslitið var, at Danmark vann stórsigur 4-0.
Walisar kunnu tó vera ernir av, at teirra undirtippaði lið megnaði at vinna seg í áttandapartsfinalurnar frammanfyri sterka sveisiska liðið. Wales hevði eitt framúr gott avrik móti Turkalandi við einum 2-0 sigri, men teir fingu ein hepnan 1-1 javnleik móti Sveis, og so gjørdist talan um ein 0-1 ósigur móti eykaliðnum hjá Italia.
Tað sum fólk tó fara at minnast walisar best fyri í hesum EM-endaspælinum eru teirra alternativu uppstillingar til liðmyndir.
Nøkur dømi um hetta síggjast á myndunum omanfyri. Síðani 2017 hava teir sum hava mannað waliska landsliðið havt tað sum frægd at stilla alternativt upp til liðmyndir.
Tað skal ikki takast frá Wales, at teir hava góðan humor, og eingir fjepparar syngja tjóðsangin betri enn walisku fjeppararnir. Avrikið móti Danmark mugu teir bara gloyma.
