Í annaðkvøld klokkan 18 spælir føroyska U21-landsliðið fyrsta EM-undankappingardystin í hesi undankappingini, tá Andorra kemur á vitjan á vøllinum við Djúpumýru norðuri í Klaksvík.
Andorra megnaði javnleik 0-0 móti Hvítarusslandi fyrr í ár, og tað ber boð um, at teir vera torførir at bróta niður hjá føroyska liðnum.
Kortini er føroyska U21-landsliðið greiður favorittur hjá 10 altjóða veddingarfyritøkum at vinna dystin móti Andorra.
Oddsini upp á heimasigur til Føroyar liggja millum 1,33 og 1,48, ið er rættiliga lágt fyri eitt føroyskt landslið í einum undankappingardysti.
Oddsini upp á útisigur til Andorra liggja millum 6,75 og 8,00.
Her eru oddsini:
##med2##
