Dánjal Ragnarsson og liðfelagarnir í ÍBV vóru fyrr í dag í Reykjavík og spældu oddadyst móti Vali, ið er eitt sera sterkt lið.
Valur vann dystin 27-21. Í steðginum var Valur á odda 14-7. Dánjal Ragnarsson skoraði tvey mál fyri ÍBV í dag.
Føroyingaliðið á Akureyri, KA var eisini á Reykjavíkur-leiðini í dag. Teir spældu móti Stjørnuni.
Í steðginum var KA á odda 17-16, men tað gekk stak illa í hond í seinna hálvleiki. Stjørnan vann dystin 30-24. KA megnaði bara at skjóta átta mál í seinna hálvleiki.
Pætur Mikkjalsson skoraði tvey mál fyri KA. Allan Norðberg fekk ikki nakað mál í dag.
Komandi sunnudag tekur KA móti oddaliðnum, Vali.
Fríggjakvøldið 29. oktober verður føroyinga-uppgerð í Reykjavík millum Fram hjá Vilhelmi Poulsen og Rógva Dal-Christiansen og ÍBV hjá Dánjali Ragnarssyni.
| Nr. | Dystir | Málmunur | Stig |
| Valur | 4 | 111:86 | 8 |
| ÍBV | 4 | 112:110 | 6 |
| Stjarnan | 3 | 96:87 | 6 |
| Fram | 4 | 107:100 | 6 |
| FH | 5 | 133:124 | 6 |
| Haukar | 4 | 114:105 | 5 |
| Afturelding | 4 | 117:116 | 4 |
| KA | 4 | 106:108 | 4 |
| Selfoss | 4 | 96:109 | 2 |
| Grótta | 4 | 96:101 | 1 |
| HK | 4 | 100:116 | 0 |
| Víkingur | 4 | 88:114 | 0 |
