Janus Dam Djurhuus og Dánjal Ragnarsson skoraðu trý mál hvør, tá lið teirra, ÍBV vann tryggan 36-28 sigur á ukrainska liðnum, Donbas Mariupol í Europa Cup undankappingini.
Dysturin var spældur úti í Heimey, og returdysturin í morgin klokkan 14 verður eisini leiktur úti í Heimey, og hevur ÍBV sostatt eitt framúr gott útgangsstøðið til seinna dystin.
Í fyrra hálvleiki leikaði meira javnt á, og var ÍBV bert á odda við tveimum málum, 16-14 í steðginum.
Dysturin í dag var tekniskt heimadysturin hjá Donbas Mariupol.
