Tíðindaskriv frá Transportministeriet, Danmark:
Føroyska landsstýrið vil yvirtaka loftferðsluøkið frá Danmark. Flogferðsluøkið er eitt tøkniliga krevjandi øki, og tí er avtalað millum danskar myndugleikar Føroya Landsstýri
at flytingin fer fram í stigum.
– Við yvirtøkuni av loftferðsluøkinum gleða vit okkum til at yvirtaka fulla ábyrgd av einum av teimum stóru ábyrgdarøkjunum, sum Danmark framvegis umsitur. Stigvísa yvirtøkan fer fram í sínámillum fatan av, hvussu hetta tøkniliga krevjandi ábyrgdarøkið kann flytast, við atliti at flogtrygd og altjóða samstarvsviðurskiftum, sigur Sirið Stenberg, landsstýriskvinna í uttanríkis- og vinnumálum.
Ábyrgdin av flogferðsluni í Føroyum hevur søguliga verið umsitin av Danmark, men síðan 2005 hevur verið arbeitt við at leggja ábyrgdina til føroyskar myndugleikar.
– Vit meta, at føroyingar duga best at umsita lokal viðurskifti, og tí hava vit arbeitt fyri, at ábyrgdin av loftferðsluøkinum verður tikin av føroyskum myndugleikum. Við avtaluni um yvirtøkuna eru vit frá danskari síðu til reiðar at fara undir samstarvið um at yvirtaka hetta tekniska økið, sigur danski samferðslumálaráðharrin, Thomas Danielsen.
##med2##
Tað krevur lógarbroyting at flyta ábyrgdina av flogferðsluøkinum í stigum, sum samferðslumálaráðharrin ætlar at leggja fram í komandi tingsetu. Harumframt skal ein líknandi lóggávutilgongd setast í verk í Føroyum, og føroyskir myndugleikar fara saman við donskum myndugleikum at áseta eina tíðarætlan fyri stigvísu yvirtøkuni.
Harumframt verður settur ein arbeiðsbólkur við umboðum úr bæði Føroyum og Danmark, sum skal fylgja yvirtøkutilgongdini og tryggja framgongd, samskipan og neyðuga vitanardeiling.
##med3##
##med4##
