##med2##

Føroyska kvinnulandsliðið í hondbólti vann fyrra undanundankappingardystin liðið spælir hetta vikuskiftið.

Føroyar vóru aftanfyri 2-6 í fyrra hálvleiki og 9-13 í seinna hálvleiki, men liðið stríddi seg innaftur í dystin, og 17 bjargingar hjá Anniku Fríðheim Petersen munaðu eisini væl.

Føroyar vunnu 21-19. Í steðginum var Finnland á odda 10-9. Ta einu løtuna gingu næstan 11 minuttir har Føroyar ikki skoraðu. 

Marianna G. Eystberg og Marita Mortensen gjørdust føroyskir toppskjúttar við fýra málum hvør.

Á ljóðfíluni omanfyri ber til at hoyra frásøgumannin hjá FM1, Sjúrð H. Hoydal og viðmerkjaran, Sigruna Mikkelsen siga frá dystarendanum og sigursløtuni, og taka samanum týdningarmikla undanundankappingarsigurin hjá føroysku hondbóltskvinnunum. 

Í morgin klokkan 18 spæla Ísrael og Finnland. Sunnudagin klokkan 16 spæla Føroyar og Ísrael. Vinnarin vinnur seg víðari til høvuðs EM-undankappingina.

Sjúrður H. Hoydal sigur beinleiðis frá dystinum millum Føroyar og Ísrael sunnudagin.