Í tíðindaskrivið í dag, boðar Løgmannskrivstovan frá, at føroyingar úr 18 og upp í 25 ár kunnu luttaka í arktiskari myndlistakapping.
Kanadiska stjórnin hevur formansskapin í Arktiska Ráðnum, og tað er higani, at listakappingin er útskrivað. Evnið fyri kappingina er av tí sama rættað móti norðurlendska samleikanum, undir enska evnisheitinum "Development for the People of the North".
Føroyar eru partur av sendinevndini hjá kongsríkinum í Arktiska Ráðnum saman við Grønlandi og Danmark. Umframt danska kongaríki, eru USA, Russland, Kanada, Svøríki, Finnland, Norra og Ísland eisini limir í Arktiska Ráðnum. Allar arktisku tjóðirnar kunnu innstilla listaverk, og føroyingar hava møguleika at luttaka í kappingini við at senda eitt listaverk inn til Uttanríkistænastuna á Løgmansskrivstovuni.
Talan verður um eina innanhýsis kapping um innkomnu føroysku uppskotini, harav vinnandi listaverkið verður við í arktisku listakappingini. Verkini verða víst fram í Ottawa í sambandi við Arktiska ráðharrafundin, ið verður í døgunum 23. – 25. apríl.
Nærri kunning fæst á heimasíðuni hjá Løgmansskrivstovuni.
