EM kappingin í talvi fyri lið er liðug. Føroyska liðið hevur í dag sett punktum við at telva ímóti Eysturríki í níggjunda og síðsta umfari. Úrslitið var, at Eysturríki vann 22 ½ - ½ . Tá ið Helgi Dam Ziska ikki var við, so var tað luturin hjá John Rødgaard at verja Føroyar á fyrsta borði. Mótstøðumaður hansara, GM ??? ( ) vann við ?? fólkinum. Hinir tríggir á føroyska liðnum – Høgni Egilstoft Nielsen, Rógvi Egilstoft Nielsen og John Arni Nilssen – telvaðu remis.
Føroyar endaðu á 34. plássi, ið er tað sama, sum Føroyar vóru styrkismettar at vera Aftanfyri Føroyar endaðu Skotland og Kosovo. Føroyar endaðu við 5 dystarstigum, ið er tað sama sum Belgia.
Eysturríki - Føroyar 2 ½ - 1 ½
GM Markus Ragger (2688) – IM John Rødgaard (2350) 1-0
GM David Shengelia – FM Høgni Egilstoft Nielsen ½ - ½
IM Robert Kreist – FM Rógvi Egilstoft Nielsen ½ - ½
IM Georg Froewis – IM John Arni Nilssen ½ - ½
Russland vann EM við 15 dystarstigum. Á næstu plássunum endaðu Armenia, Ungarn og Frakland við 13 stigum. Ísland var besta norðurlandið við 9 stigum, Noreg og Finnland vunnu 8 stig, Svøríki og Danmark vunnu 7 stig og Føroyar 5 stig.
