So er tað greitt, hvørjum Føroyar fara at spæla ímóti í Nations League kappingini, sum verður í 2022.
Í UEFA høvuðsborgini í Lyon hevur lutakast verið seint seinnapartin um, hvør skal spæla ímóti hvørjum í Nations Legaue kappingini.
Føroyar eru í bólki C 1 saman við Turkalandi, Luksemburg og Litava. Marran var, at luturin skuldi fella soleiðis, at mótstøðuliðini vóru eystari frá í Europa.
At Føroyar skulu spæla ímóti Turkalandi, Luksemburg og Litava kann ikki sigast annað enn at vera gott lutakast.
Føroyar hava fleiri ferðir áður verið í undankappingarbólki saman við Luksemburg og Litava.
Føroyar hava einaferð áður – fyri 30 árum síðani – spælt landsdyst ímóti Turkalandi. Talan var um vinardyst á ovara vølli í Gundadali 15. juli í 1991. Sepp Piontek var venjari hjá Turkalandi, og úrslitið var 1-1. Todi Jónsson var fyri fyrstu ferð á landsliðnum, og hann legði stutt eftir steðgin og við skoti av brotsteigarmarkinum Føroyar á odda, og Turkaland javnaði, tá ið tað restaðu 12 miuttir.
Teir seks dystirnir vera spældir í juni og september 2022.
C raðið
Bólkur 1
Turkaland
Luksemburg
Litava
Føroyar
Bólkur 2
Norðurírland
Grikkaland
Kosovo
Kypros/Estland
Bólkur 3
Slovakia
Hvítarussland
Aserbadjan
Kasakstan/Moldova
Bólkur 4
Bulgaria
Norðurmakedonia
Georgia
Gibraltar
