Í gjárkvøldið spældi niðurlendski bólkurin Focus á Reinsarínum í Havn.
Bólkurin var stórur í sjeytiárunum, og áhoyrarafjøldin var eisini í stóran mun tilkomin fólk og nógv mannfólk. Tó so, har vóru eisini yngri fólk.
Focus riggaði væl í lítla spælistaðnum, tætt við fjøldina. Sambandið við áhoyrarar var gott, og teir spældu væl og ikki minst sera undirhaldandi.
Teir dugdu sítt, og flott var ar hoyra guitarleikaran, sum við eini ávaring upp á ein dag var hoppaður inn í hópin, men hóast hetta spældi frálíkt.
Trummuleikarin vísti av sonnum dygd og spæligleði,og fjøldin fekk eina góða tónleikaliga uppliving við tónleiki, spæligleði og ikki minst nærveru.
