Fiskamarknaður Føroya seldi í dag stívliga 320 tons á uppboðssølu. Miðalprísurin fyri øll fiskasløgini var 11,49 krónur fyri kilo.
Hægsti prísur var fyri 1.050 pund av kalva 2, sum fór fyri 64 krónur fyri kilo.
Lægsti prísur var fyri nøkur fá kilo av skrubbu, sum fóru fyri 1,90 krónur fyri kilo.
Størsta einstaka nøgdin á Fiskamarknaði Føroya í dag var toskur 3, sum fór fyri miðalprísin 14,28 krónur fyri kilo.
Næst størstu nøgdirnar vóru av toski 4, sum fór fyri 9,45 krónur fyri kilo.
Stívliga 13,7 tons vóru av toski 2, sum fór fyri miðalprísin 22,59 krónur fyri kilo.
Besta hýsan í dag - hýsa 1 - fór fyri miðalprísin 11,79 krónur fyri kilo.
Stívliga 20 tons vórðu seld av hýsu 2, og hendan fór fyri 10,47 krónur í miðal fyri kilo.
Góð 30 tons vóru eisini av kongafiski 2, og her var miðalprísurin 9,37 krónur fyri kilo.
