Í morgin verða FMA tilnevningarnar avdúkaðar her á in.fo og í morgunsendingini í hjá Kringvarpinum.
Tað er leygarkvøldið 11. mars, at FMA 2017 verður á skránni í Norðurlandahúsinum. FMA stendur fyri Faroese Music Awards, og tað er her, at tey bestu av teimum bestu verða heiðrað fyri teirra avrik undanfarna ár.
FMA er eitt tiltak, sum verður hildið í mars á hvørjum árið, og eru tað Miðlahúsið, Norðurlandahúsið og Kringvarpið, sum stíla fyri tiltakinum.
Nú er so stundin komin til, at FMA fer at kunngera tey tilnevndu í teimum ymisku kategoriiunum í ár.
Fylg við í morgin tíðliga, tá ið in.fo avdúkar tey tilnevndu klokkan 8.30. Somu tíð verða umboð fyri FMA í Góðan Morgun Føroyar, har tey tilnevndu eisini verða avdúkað.
