Tað kann ikki vera meira spennandi í teimum fremstu hondbóltsdeildunum.
Í Burn Mansdeildini hava VÍF og H71 vunnið eina FM-finalu í part, og støðan er tann sama í SMS-deildini har Neistin og StÍF hava vunnið eina FM-finalu í part.
Klokkan 16 spæla VÍF og H71 3. FM-finaluna í Burn Mansdeildini í høllini í Vestmanna, og klokkan 19 spæla Neistin og StÍF 3. FM-finaluna í SMS-deildini í høllini á Hálsi í Havn.
Sjúrður H. Hoydal og Tróndur Arge vera frásøgumenn hjá FM1 til dystirnar.
Samrøður við umboð fyri VÍF, H71, Neistan og StÍF koma út á in.fo tá dystirnir eru lidnir.
Dysturin í Vestmanna verður samsendur við STAÐIÐ FM 101 í Vestmanna.
