##med2##

FM1, Miðlahúsið og FSF skipaðu í kvøld fyri tiltakinum "Ársins spælarar 2022" í Panorama á Hotel Hafnia. 

Størsti sigursharrin í kvøld var landsliðsmiðvallarin hjá Víkingi, Sølvi Vatnhamar sum fekk gullskógvin fyri at vera ársins toppskjútti í Betrideildini, og fekk heiðrarnir at vera ársins miðvallari og ársins spælari 2022.

Á ljóðfíluni omanfyri ber til at hoyra frá FM1: 

1) Hoyr heiðursløtuna, handanina av ársins gullskógvi, og samrøðuna Tróndur Arge gjørdi við ársins toppskjútta, Sølva Vatnhamar.

2) Hoyr heiðursløtuna, handanina av heiðursgripinum, og samrøðuna Tróndur Arge gjørdi við ársins miðvallara, Sølva Vatnhamar.

3) Hoyr heiðursløtuna, handanina av heiðursgripinum, og samrøðuna Tróndur Arge gjørdi við ársins spælara, Sølva Vatnhamar. 

Øll sendingin "Ársins Spælarar 2022" kann hoyrast á www.fm1.fo