##med2##

NSÍ stendur við góðum kortum at tryggja sær týdningarmikla fjórða plássið, og ÍF fer at spæla í 1. deild komandi kappingarár. Tað stendur fast aftaná 5-2 sigurin hjá NSÍ í Fløtugerði í Fuglafirði í dag.

ÍF er seks stig aftanfyri B68, og NSÍ er tvey stig frammanfyri B36. Fær B36 ikki fult móti Víkingi í tí útsetta dystinum kann NSÍ tryggja sær fjórða plássið við javnleiki móti B36 við Løkin í Runavík komandi leygardag. 

ÍF – NSÍ 2-5 (1-1)

0-1: Jørgen Nielsen (5.)

1-1: Tóri Nolsøe Olsen (45.)

1-2: Aron Knudsen (52.)

2-2: Emil Weihe Joensen (77.)

2-3: Jacob Trenskow (85.)

2-4: Klæmint A. Olsen (92.)

2-5: Klæmint A. Olsen (95.)

Á ljóðfíluni omanfyri ber til at hoyra frá FM1:

1) Hoyr frásøgumannin, Petur Asbjørn Lervig siga frá teimum fimm málunum. 

2) Hoyr samrøðuna Petur Asbjørn gjørdi við ein vónbrotnan ÍF-venjara, Agnar Prestá sum heldur, at ÍF-leikararnir avgjørt hava betri uppiborið enn at enda í 1. deild.

3) Hoyr samrøðuna Petur Asbjørn gjørdi við liðskiparan og tvímálsskjúttan hjá NSÍ, Klæmint A. Olsen sum fegnast um enn at hava evropeisku lagnuna hjá NSÍ til komandi kappingarár í egnum hondum.