Seinnapartin verða tveir dystir leiktir í Betrideildini hjá monnum. Klokkan 15 spæla AB og B36 úti í Vika á Argjum og klokkan 17 spæla Skála og NSÍ á Skála.
Petur Asbjørn Lervig sigur beinleiðis frá dystinum millum Skála og NSÍ á FM1. Í hálvleikinum verða samrøður við venjararnar hjá AB og B36, Sorin Anghel og Jákup á Borg. Aftaná dystin á Skála verða samrøður við umboð fyri Skála og NSÍ.
Viðmerkjari til dystarfrásøgnina á Skála verður Hans Jørgin Djurhuus.
Øll kunnu lurta eftir dystarfrásagnunum á www.midlar.fo. Vanligu frekvensirnir hjá FM1 eru FM 88,7, FM 91,7, FM 93,9, FM 94,8, FM 95,5 og FM 98,7.
