Tríggir dystir verða spældir í Betrideildina hjá monnum í dag.
Tveir dystir byrja klokkan 15. ÍF tekur móti HB í Fuglafirði, og á ovara vølli í Gundadali í Havn tekur B36 móti TB. Klokkan 19 byrjar dysturin millum NSÍ og AB við Løkin í Runavík.
Tróndur Arge sigur beinleiðis frá dystinum millum B36 og TB á FM1. Árni Gregersen verður heimildarmaður til dystin millum ÍF og HB.
Øll kunnu lurta eftir dystarfrásøgnini á www.midlar.fo. Vanligu frekvensirnir hjá FM1 eru FM 88,7, FM 91,7, FM 93,9, FM 94,5, FM 95,5 og FM 98,7.
Samrøður við umboð fyri B36, TB, ÍF og HB koma út á in.fo seinni í dag.
In.fo hevur beinleiðis tekstfrásøgn frá øllum trimum dystunum, ið verða spældir í Betrideildini hjá monnum í dag.
