##med2##
Neyvan nakar fótbóltsspælari í Føroyum eigur so nógvar persónligar heiðrar sum Heidi Sevdal hjá NSÍ.
Í kvøld gjørdist hon umframt at vera toppskjútti í Betrideildini við 33 málum eisini ársins áleypari, og á sjeynda sinni ársins spælari. Ein sonn legenda.
Heidi skrivaði eisini søgu við at vinna steypakappingina við NSÍ. Tað er fyrstu ferð, at kvinnurnar hjá NSÍ vinna steypakappingina.
Á ljóðfíluni omanfyri ber til at hoyra tær tríggjar løturnar tá Heidi var heiðrað á Parnassinum á Hotel Hafnia í kvøld. Hoyr eisini tær tríggjar samrøðurnar Tróndur Arge gjørdi við Heidi í samband við teir tríggjar heiðrarnar hon fekk.
