##med2##
Formaðurin í flogbóltssambandinum, Magnus Tausen hevði nógv um oyruni ígjár viðvíkjandi fyrireikingum til steypahálvfinaludagin sum er í Badmintonhøllini í Klaksvík í dag.
Hann gav sær tó tíð at gera eina samrøðu við flogbóltsreportarin hjá FM1, Óla G. Samuelsen.
Magnus stórfegnast um hvussu steypahálvfinaludagurin í Badmintonhøllini í Klaksvík hevur ment seg til at gerast eitt rimmar tiltak fyri flogbóltin í Føroyum.
Magnus ásannar, at Korona hevur rakt føroyskan flogbólt meint, men tað ringasta er, at Korona hevur rakt landsliðsarbeiði so landsliðini ikki hava verið í dysti í longri tíð. Eisini hava Føroyar mist høvið at hýsa altjóða kappingum orsaka av Korona.
Á ljóðfíluni omanfyri ber til at hoyra upptaktssamrøðuna Óli G. Samuelsen gjørdi við Magnus Tausen í Klaksvík ígjár.
Kl. 13.00: SÍ – Mjølnir, Meistaradeild kvinnur
Kl. 15.00: ÍF - SÍ, Meistaradeild menn
Kl. 17.00: Dráttur – Fleyr, Meistaradeild kvinnur
Kl. 19.00: Mjølnir – Fleyr, Meistaradeild menn
Frásøgumaðurin hjá FM1, Óli G. Samuelsen sigur beinleiðis frá øllum dystunum.
Øll kunnu hoyra FM1 HER
HER ber til at hoyra samrøðuna Óli G. Samuelsen gjørdi við borgarstjóran í Klaksvíkar kommunu, Karl Johansen í Klaksvík ígjár.
HER ber til at hoyra upptaktssamrøðuna Óli G. Samuelsen gjørdi við Mjølnir-formannin, Jóhann Lützen í Klaksvík ígjár.
