##med2##
Tað byrjar at síggja gott út hjá EB/Streymi. Aftaná 1-0 heimasigurin á AB við Margáir í Streymnesi í dag er tað bert ein verri málmunur, ið skilir EB/Streymi frá fjórða plássinum í Betrideildini. EB/Streymur hevur 10 stig, sama stigatal sum B36 hevur á fjórða plássinum.
EB/Streymur – AB 1-0 (0-0)
1-0: Gutti Dahl-Olsen 83.
Á ljóðfíluni omanfyri ber til at hoyra samrøðurnar sum vóru í sendingini "Triði Hálvleikur" á FM1 við høvuðsvenjararnar, Jákup Martin Joensen hjá EB/Streymi og Sámal Erik "Bagga" Hentze.
Jákup Martin fer ikki upp at flákra hóast tað í løtuni sær gott út hjá EB/Streymi, men hann er sera fegin um kærkomna sigurin liðið fekk í dag.
Aftur hesaferð misti AB móti endanum tað sum kundi givið eitt stig, og tað iðrar Bagga.
