Í dag klokkan 15 verður Sportboxin á FM1. Tað er ítróttarsending, har tað verður tosað ítróttin um vikuskiftið. Í dag verður sendingin í tveir tímar. Frá klokkan 15 til klokkan 17.
Í fyrra tímanum verður Óli G. Samuelsen gestur. Hallarspeakarin og frásøgumaðurin hevur gott innlit í flogbóltsheimin. Hann hevur at taka saman um FM-finalurnar og gevur síni boð upp á ársins spælarar til gallaveitsluna, sum verður um vikuskiftið.
Eisini verður Sjúður H. Hoydal í gjøgnum. Frásøgumaðurin er í holt við FM-finalurnar í hondbólti, men tað eru eisini risa altjóða uppgávur fyri framman. Hann kemur at fortelja um bæði.
Í Fótbóltspanelinum, sum byrjar klokkan 16 verður Teitur Joensen gestur. Hann kemur at hyggja nærri at føroyska fótbóltinum, har mest spennandi dysturin helst er í Runavík, har NSÍ og B36 skulu spæla “botndyst” fyri fyrstu ferð í nógv ár.
Hevur tú spurningar ella viðmerkingar, so kanskt tú senda sms til 559999 eftir klokkan 15.
