##med2##
KÍ reið stormin av seinastu løtuna móti EB/Streymi. KÍ førdi 2-0 við málum sum Jóannes K. Danielsen og Heini Vatnsdal skutu, enntá tað fyrsta hjá Heina fyri KÍ. Men móti dystarenda fekk gamli málrevurin hjá EB/Streymi spenning í aftur dystin tá hann skoraði til 1-2, men KÍ knógvaði stigini heim.
Á ljóðfíluni omanfyri ber til at hoyra frá FM1:
1) Hoyr hvussu tað ljóðaði á FM1 tá frásøgumaðurin, Sjúrður H. Hoydal segði frá teimum trimum málunum.
2) Hoyr samrøðuna Sjúrður H. Hoydal gjørdi við landsliðsbakkin hjá KÍ, Jóannes Kalsø Danielsen, ið skoraði fyrra málið hjá KÍ. Jóannes staðfestir, at EB/Streymur gjørdi tað torført fyri KÍ. Jóannes viðgekk, at tað hekk ikki heilt saman hjá KÍ í kvøld, men tað týdningarmesta var, at teir vunnu.
3) Hoyr samrøðuna Sjúrður H. Hoydal gjørdi við veteranin hjá EB/Streymi, Bárður Olsen sum slær fast, at EB/Streymur var komið norður fyri at vinna dystin, og iðrar Bárður seg um, at sundalagsmenn ikki fingu stig við sær úr Klaksvík.
