FM-súkklukappingin í einkultstarti, sum skuldi verða í Vágum í dag, er útsett til í morgin, byrjað verður kl. 13:00 í morgin. Tað var bæði regn og nógvur vindur um middagin í dag, tí varð avgjørt at útseta FM-kappingina í einkultstarti til í morgin. Tað verður byrjað kl. 13:00, við FK í Miðvági.
Teinurin er frá FK í Miðvági, eftir Vatnavegnum og niðan í Brennuna móti flogvøllinum og aftur til FK í Miðvági. Hesin teinurin skal súkklast tríggjar ferðir.
Kappast verður í hesum bólkum, bæði kvinnur og menn:
Unglingar: 15 til 18 ár, súkkla 20 km.
Vaksin: 18 til 45 ár, súkkla 30 km.
45+: 45 ár og eldri, súkkla 30 km.
Veðurforsøgnin fyri í morgin líkist veðrinum í dag, men tað verður heldur minni vindur í morgin.
