Hóast tíðindafundurin hjá Atlanic Airways ikki var serliga langur, so skortaði tað ikki upp á tíðindi. Umframt at ferðaseðlarnir verða bíligari og at ferðafólk framyvir mugu rinda fyri mat og rúsdrekka, so kundi Jóhanna á Bergi eisini kunngera, at Atlantic Airways framyvir fer at flúgva til Gran Canaria.
Ætlanin er, at Atlantic Airways skal flúgva til Gran Canaria í desember og januar.
Sostatt fáa eisini føroyingar møguleikan at flúgva beinleiðis til eitt ferðamál, ið er kent sum eitt ferðamál hjá norðurlendingum, ið ynskja at flýggja undan kuldanum til heitari lond.
