Tað er einki minni enn fantastiskt at síggja og hoyra, hvussu nógv vit hava fingið burtur hesi 30 árini, og uttan iva hevur musikkskúlaskipanin og tað stóra arbeiðið, sum har er gjørt, sín heiður av hesum.
Men Kringvarpið eigur sanniliga eisini rós uppiborið fyri framleiðsluna.
Sera flott og stórsligið at síggja, flott og trygt. Talan var um eina góða framleiðslu, har var gott ljóð og trygg tøkni.
Hetta prógvar bara, at Kringvarpið megnar væl at gera stórar framleiðslur í Føroyum, sum eru krevjandi, tá ið tað kemur til ljóð, ljós og framleiðslu annars.
Alt var sera gott, bæði orkestur, kór, framførslur – og Finnur Koba!
– Takk Kringvarið og takk Føroya Symfoniorkestur!
