Flogfarið var á veg úr Nuuk móti bygdini Kulusuk fyrrapartin í dag, tá tað noyddist at venda aftur til floghavnina í Nuuk.
Trupulleikar vóru við motorunum, men sambært Air Greenland gekk alt væl, tá flogfarið lendi.
Floghavnin var stongd fyri aðrari flogferðslu undir trygdarlendingini, og tað var vegurin til flogvøllin eisini.
Í tíðindaskrivi, sum Sermitsiaq endurgevur, sigur Air Greenland, at ferðafólk og manning eru í góðum hondum og fáa nú ta hjálp, sum teimum tørvar.
- Okkara tilbúgving er í gongd, og vit fara at koma við nýggjari kunning so skjótt, sum nýggir upplýsingar fyriliggja, sigur Air Greenland í tíðindaskrivi í dag.
Sermitsiaq veit at siga, at bæði løgregla, sjúkrabilar og sløkkiliðsbilar vóru upp á pláss í floghavnini í Nuuk í dag, tá flogfarið lendi í øllum góðum.
