Í morgin, hósdagin 18.juni, fer føroyska flogbóltslandsliðið hjá monnum á eina 17 daga langa landsliðsferð. Fyrst fer landsliðið til EM-endaspæl fyri smátjóðir í Luksembourg hetta vikuskiftið, og síðani gongur leiðin beinleiðis til Jersey, har flogbóltslandsliðið sum vant skal umboða Føroyar á Oyggjaleikunum. Hetta kunnger Flogbóltssamband Føroya í tíðindaskrivi.
Í smátjóðakappingini eru tað 15 lond, sum luttaka. Øll londini spæla tríggjar dystir. Tey trý fremstu londini av hesum fimtan londunum leika seg víðari til EM-endaspælið í flogbólti.
Føroysku flogbóltsmenninir leika hesar dystirnar hetta vikuskiftið í Luksembourg:
Fríggjadagin kl. 19.30: Luxembourg – Føroyar
Leygardagin kl. 16.00: Skotland – Føroyar
Sunnudagin kl. 14.00: Føroyar - Kypros
Venjararnir báðir, Bárður B. Mikkelsen og Ragnar í Haraldsstovu hava úttikið hesar 12 leikararnar til føroyska landsliðið:
Thorvald Danielsen, HIK Aalborg
Bjarki Enni, Amager VK
Trygvi Hansen, ÍF
Rói Hentze, Fleyr
Bárður Jacobsen, ÍF
Bjarni Larsen, BK Tromsø
Bogi Midjord, Amager VK
Bergur Olsen, Fleyr
Steffan Rosenlund Olsen, Mjølnir
Suni Juul Pedersen, Fleyr
Rasmus Mortensen Potts, Fleyr
Brian Poulsen, ÍF
