Bæði U19 landsliðið í flogbólti hjá gentum og dreingjum spæla um 5. plássið um evropesiskari kapping í Onglandi í dag.
Í gjár taptu genturnar 3-0 fyri Onglandi. Tað sæst á sett úrslitunum, at føroyska liðið var við í dystinum, men tað gekk ikki eins væl, sum tað gjørdi tá tær vunnu á Íslandi. Sett úrslitini vóru 18-25, 18,25 og 15-25.
Liðið skal spæla ein dyst afturat í kappingini, og er hesin ímóti Íslandi. Hetta er samstundis dysturin um 5. plássið. Dysturin byrjaði klokkan 10.
Dreingirnir spæla móti Íslandi
Við tað, at Ísland í gjár tapti 3-0 ímóti Noreg, verða tað Føroyar og Ísland, sum í dag, skulu spæla um 5. plássið í evropeisku flogbóltskappingin í Onglandi.
Dysturin byrjar klokkan 10, og veðrur hetta samstundis seinasti dysturin í kappingin hjá Føroyska U19 landsliðnum.
Meginparturin at liðnum hevur eisini møguleika at spæla við komandi ár, so hetta eitt ungt lið, sum hevur verið við í kappingini, og tí verður vónað, at liðið fær betri úrslit komandi ár, skrivar Flogbóltssambandið.
Allir dystir verða stroymdir á: https://www.247.tv/live/volleyball/nevza-u19-international-championships
