Ein dystur í bólki 1 í steypakappingini hjá monnum varð í gjárskvøldið spældur í Badmintonhøllini í Klaksvik. Mjølnir, sum er greitt oddalið í landskappingini, tapti ímóti SÍ b. Hetta gjørdist ein spennandi dystur við nøkrum jøvnum settum, sum endaðu 18-25, 28-26, 21-25 of 27-29.
SÍ b hevur mannað seg við royndum spælarum, sum hava myndað landskappingina undanfarnu nógvu árini. Úrslitið viðførur stóran spenning í bólki 1, tí nú er støðan tann, at SÍ b er á odda við 6 stigum, meðan Mjølnir og Fleyr a hava 3 stig.
Mjølnir skal sunnudagin til Trongisvágs at spæla ímót TB, sum ikki spælir meistaradeildin. Vinnur Mjølnir 3-0 ella 3-1, hevur liðið tryggjað sær pláss í hálvfinalunum. Tapa teir tvey sett ella dystin, so verður lagnan hjá teimum avgjørd í dystinum í annaðkvøld klokkan 21 í Gundadalshøllini, tá Fleyr a tekur ímóti SÍ b. Ein dystur, sum Rás2 sigur frá.
Vinnur SÍ b tvey sett í hesum dystinum eru teir í hálvfinalunum, men vinnur Fleyr 3-0 ella 3-1 hevur Fleyr tryggjað sær plássið. Reglarnar siga, at stendur á jøvnum í stigum og settmuni, er innanhýsis dystur avgerandi.
Bólkur 1:
Settmunur | Stig | ||
1 | SÍ b | 4 | 6 |
2 | Mjølnir | 1 | 3 |
3 | Fleyr | 0 | 3 |
4 | TB | -5 | 0 |
