Fleyr vann mestUm vikuskiftið hevur FK Cup í flogbólti hjá teimum vaksnu verið í Havn, og vertirnir endaðu við at vinna í fýra teimum bestu av teimum fimm deildunum, sum kappaðust.
Fleyr gjørdi bart og vann bæði Eik-liguna hjá kvinnum og monnum og 1. deild hjá kvinnum og monnum, meðan Mjølnir streyk avstað við sigrinum í 2. deild hjá monnum.
Í Eik-liguni hjá kvinnum vann Fleyr bleiv vunnin av Fleyr 3-0 á KÍF í dystinum um fyrsta plássi. Hini liðini, sum vóru við, vóru Dráttur og Mjølnir.
Fleyr, Mjølnir og U19-manslandsliðið, sum seinni henda mánaðin skal til kapping niðri, vóru við í Eik-liguni hjá monnum, har Fleyr bleiv besta liðið og vann.
Fleyr vann í eini spennandi finalu á SÍ í 1. deild hjá kvinnum, og í 1. deild hjá monnum, har finalan stóð millum somu feløg, vann Fleyr 3-0.
Í 2. deild hjá monnum bleiv Mjølnir drúgvast í kappingini við tvey lið frá KÍF, og sum skilst á heimasíðuni hjá Fleyr, vóru dystirnir bæði javnir og drúgvir.
Tilsamans 22 lið vóru við í FK Cup hjá teimum vaksnu, og varð kappingin avgreidd í Gundadalshøllini og ítróttarøllini á Hálsi.
Leygardagin 15. november skipar Fleyr fyri síni árligu kapping fyri tey yngru, og freistin at melda lið til ta kappingina er 4. november.
