Tey flestu línuskipini eru nú farin til fiskiskap, men skipini eru nýliga farin útaftur.
- Vit rokna við einum ella kanska tveimum skipum mánadagin, og seinni í næstu viku koma helst eini fýra ella fimm onnur línuskip inn at landa.
Tað sigur Fiskamarknaður Føroya í sínum metingum fyri næstu viku.
Lagt verður aftrat, at línuskipini, sum royna á grynri vatni, fáa tosk og hýsu og tey, sum royna á djúpum, fáa brosmu og longu.
Um útlitini fyri útróðri teir næstu dagarnar, sigur marknaðurin, at streymurin verður hampiligur, eins og veðrið verður hampiligt um vikuskiftið.
- Seinni í næstu viku sær minni gott út við veðrinum, sigur Fiskamarknaður Føroya, sum leggur aftrat, at útróðrarbátarnir, sum royna við línu, fáa mest av toski og hýsu.
