1.008.660 áskoðarar vóru til dystirnar í EM-endaspælinum í manshondbólti í Týsklandi. Talan er um størsta áskoðaratal nakrantíð til eitt endaspæl í hondbólti.
Áskoðarametið til eitt HM-endaspæl í manshondbólti eru 902.000 áskoðarar.
10. januar vard eisini áskoðaramet sett til ein einstakan dyst í hondbólti. 53.000 áskoðarar sóu vertstjóðina, Týskland vinna 27-14 á Sveis í Merkur Arena í Düsseldorf, ið vanliga er ein fótbóltsleikvøllur.
Gamla áskoðarametið fyri ein hondbóltsdyst var 44.189 áskoðarar.
5.000 føroyskir áskoðarar vóru til innleiðandi dystirnar í Berlin, og 4.000 íslendskir áskoðarar vóru til innleiðandi dystirnar í München.
9.000 danskir áskoðarar vóru til dystirnar í millumumfarinum í Hamburg.
So talan var um eitt minniligt EM-endaspæl upp á nógvar mátar.
