Flofgferðsla
Í viðmerkingunum til roknskapin hjá Atlantsflogi sigur nevndin, at felagið hevði ein vøkstur upp á 7% í ferðafólkatalinum í fjør í mun til 1999. Størsti vøksturin var á Danmarkarrutuni, meðan eisini fleiri ferðafólk vóru á Skotlands- og Noregsrutuni.
Hinvegin var slakari á rutuni millum Aberdeen og København og á Íslandsrutuni.
Avtalan, sum Atlantsflog hevur havt við Air Iceland um flúgving millum Ísland og Grønland, er søgd upp, tí rutan er fyribils niðurløgd. So tann inntøkan verður ikki í ár, verður sagt í viðmerkingunum.
Men eisini tyrlufllúgvingin var væl lívligari enn árið fyri. Her var ferðafólkavøksturin upp á heili 10%. Men tað nyttaði tó so lítið, tí hendan flúgvingin gav eitt rakstrarhall.
Atlantsflog økti flotan við 100% í fjør, tá nýtt flogfar av sama slagi sum tað, felagið hevði frammanundan, varð keypt. Flogfarið var í rutuflúgving hjá Atlantsflogi seinasta summar, og hevur síðan verið leigað út, men kemur aftur í summar.
