Tíðliga í morgun brustu fleiri bumbur í einum bústaðarøki í sýriska býnum Daraa. Sýriski mannarættindafelagsskapurin sigur, at tað var herurin, sum leyp á, og at í minsta lagi 17 fólk doyðu, og at uppaftur fleiri vórðu særd.
Ein bretskur eygleiðari sigur við fronsku tíðindastovuna AFP, at bumbubrestirnir í morgun vóru í júst tí býarpartinum, sum uppreisturin ímóti stýrinum hjá Bashar al-Assad, forseta byrjaði í í mars í fjør.
Útlendskir eygleiðarar siga, at bardagarnir millum stjórnarherin og uppreistrarmenninar eru harðnaðir teir seinastu dagarnar. Í gjár lógu 68 fólk eftirá, 36 sivilfólk, 25 hermenn og sjey uppeistrarmenn.
