Í byrjanini av hesi vikuni vóru seks ísfiskalínuskip og fýra frystilínuskip til fiskiskap.
Tey fýra fiska undir Føryum, og síðan fiskar eitt í Eysturgrønlandi og eitt í íslendskum sjógvi. Línuskipini fáa mest av toski, longu, brosmu og hýsu.
Á Fiskamarknaði Føroya væntaðu tey, at flestu ísfiskalínuskip landa hesa vikuna, og síðan kemur hitt seinasta í næstu viku.
Fýra frystilínuskip eru eisini til fiskiskap, trý fiska í Eysturgrønlandi, og eitt fiskar í íslendskum sjógvi.
Hesa vikuna eru bæði streymur og veður til vildar, tá ræður um útróður. Nakað av útróðri er, men óvissan um fiskaprísir, serliga á hýsuni, ger, at fleiri setast aftur.
