Argjamenn hava ikki fingið eina dreymabyrjan upp á kappingarárið. Í gjár var tað við bit og slit, at AB vann á TB, sum spælir í 1.deild. Tað var ikki fyrr enn eftir brotssparkskapping, at argjamenn tryggjaðu sær pláss í fjórðingsfinaluni í kappingini um Løgmanssteypið.
Les eisini: Clayton seksfaldur málskjútti
Uttan Jóan Símun Edmundsson í álopinum var ilt at síggja hvat málini skuldu koma frá. Tað var ikki fyrr enn Karstin Højgaard kom á vøllin, at AB megnaði at trýsta TB í botn eina løtu. Málið kom stutt seinni.
Karstin Højgaard fekk sítt gjøgnumbrot á besta liðnum í fjør, tá hann upp til fleiri ferðir kom inn og skoraði avgerandi mál. Nú hevur hann sett sær eitt mál, um at skjóta fleiri mál enn í fjør.
Løgmanssteypið
1. umfar
Leygardagin 5. apríl
AB-TB 1-1 (0-0) 4-2 eftir longda leiktíð og brotssparkskapping
1-0: Karstin Højgaard 67.
1-1: Ragnar Tausen 87.
Brotssparkskapping:
1-0: Karstin Højgaard
1-0: Martin Tausen - i stólpan
2-0: Bárður Olsen
2-1: Ragnar Tausen
2-1:Jónas Stenberg – Ivan Stojkovic bjargaði
2-1: Rógvi Joensen – í stólpan
3-1: Jobin Drangastein
3-1: Heini M. Mortensen – omanfyri tvørtræið
