Altjóða kjarnorkustovnurin IAEA ávarar nú um, at fleiri lond fara at fáa sær kjarnorkuvápn í komandi árum, verða stig ikki tikin til at forða londunum í at fáa ta neyðugu tøknina. IAEA sigur, at millum 20 og 30 lond hava orku til at fáa sær kjarnorkuvápn, og teirra millum eru Brasil, Suðurkorea, Japan, Saudiarabia og Egyptaland. Einastu lond, sum hava slept sínum ætlanum á økinum, eru Libya og Suðuafrika.
